Hei Whakauru ki te Whakawhetai Nui - A New Zealand Prayer Book / He Karakia Mihinare o Aotearoa

Hei Whakauru ki te Whakawhetai Nui

Mō ngā wā e rite ana (whārangi 486).

A

TE HAERENGA MAI

Tēnei Ia te haere mai nei hei tāroi i te riri,
hei hohou i te rongo.
Ko te Karaiti te pūaotanga o te ata.

B

TE RĀ WHĀNAU

Kua whānau a te Karaiti ki Pēterehema,
te whakatinanatanga o te Atua,
te Tamaiti i te whare kararehe,
te manene i te huarahi ki Īhipa.

C

TE WHAKAATURANGA

Tīaho ana tōna whetū hei karanga i a tātou
kia tuohu ki te Karaiti kua whānau nei.
Kua tata mai te Atua ki a tātou;
kua whakatinanatia ki te ao;
Tāpae atu ngā whakamoemiti me ngā koha.

D

RĒNETI

Ko tōna rīpeka tō tātou kaha,
E āhei ai te tomo i te tatau kuiti
i ngā ara o te ora,
kia uru atu ai ki ōna pāweratanga
i ngā rā o Rēneti.

491 Te Whakawhetai me te Whakamoemiti

E

TE WHAKAMAMAETANGA

Tōna rīpeka te tāroi o te riri.
Ko te Karaiti te maungārongo a te Atua
ki te ao.

Ko Tēnei Rānei

Anā, te tino tangata,
te Kai-whakaora e kore nei
e whakaora i a ia anō;
Arā te Kai-hanga i rukea e te ao.

RĀTAPU NĪKAU

Kia whakanuia te Tama a Rāwiri!
Te kīngi whakaiti i runga i tāna kāihe.
E whakapakari nei te mana o te hoariri,
O te tao.

F

TE ARANGA

Kua ara te Karaiti i te mate.
Kua horahia te aroha:
koia te Ariki o te wā,
te Ariki o te Ātea.

G

TE KAKENGA

Ko te Karaiti te Kīngi o ngā kīngi,
e whakaora nei i āna pononga
hei hoa pūmau mōna.
Ko ia tonu te Ariki.

Te Whakawhetai me te Whakamoemiti 492

H

PETEKOHA

E karanga ana tōu Wairua Tapu,
i ngā hunga, i ngā iwi, i ngā reo,
kia manako ki ngā mea mīharo i poua e koe.
Nā tōu Wairua Tapu,
i tiri te rongopai ki Aotearoa.
(E karanga ana koe i tēnei rā, i tēnei rā,
kia kotahi ngā iwi i raro i tōu maru,
kia whāngaia te hunga matekai,
kia whakaorangia ngā tūroro,
kia tukua ngā whakarau kia haere noa,
kia mataara te tatari atu
ki tōu rangatiratanga).

Q

MŌ TE MĀRENA

Kua tūhonotia tātou e te Karaiti,
ki tō tātou Atua, tētahi hoki ki tētahi.
E hono ana te Karaiti,
i te tāne, i te wahine
i runga i te ngākau kotahi.
Tēnei te taonga a te Karaiti
ki a Ingoa rāua ko Ingoa.

N

TE HUNGA TAPU

I tūmanako, i whakapakari
te hunga tapu ki tōu rīpeka.
Tēnei tā rātou whakamanamana,
tō rātou korōria,
te māramatanga i tīaho i roto i a rātou
i a Ingoa hoki.
Koia ka whakamoemiti ki a koe.

493 Te Whakawhetai me te Whakamoemiti

A	TE HAERENGA MAI Tēnei Ia te haere mai nei hei tāroi i te riri, hei hohou i te rongo. Ko te Karaiti te pūaotanga o te ata.
B	TE RĀ WHĀNAU Kua whānau a te Karaiti ki Pēterehema, te whakatinanatanga o te Atua, te Tamaiti i te whare kararehe, te manene i te huarahi ki Īhipa.
C	TE WHAKAATURANGA Tīaho ana tōna whetū hei karanga i a tātou kia tuohu ki te Karaiti kua whānau nei. Kua tata mai te Atua ki a tātou; kua whakatinanatia ki te ao; Tāpae atu ngā whakamoemiti me ngā koha.
D	RĒNETI Ko tōna rīpeka tō tātou kaha, E āhei ai te tomo i te tatau kuiti i ngā ara o te ora, kia uru atu ai ki ōna pāweratanga i ngā rā o Rēneti.